[HongKongCard.com ]交稅都有得賺？

交稅都有得賺？

昨晚7時許，突然聽倒隔離鄰舍呼天搶地，多事既Lady C.忍唔住過去八下咩事，哦~ 原來佢收倒稅單呀。 唉，唔知幾時到我呢？真係好希望會寄失……（發夢） 咪喇，都係早D面對現實，周圍睇下有冇交稅着數，賺住交冇咁嬲…… 經過一番討論區爬文&資料搜集後，Lady C.搵倒3類交稅着數：現金回贈、免息分期、禮券回贈。 稅都可以攤長嚟供？ 1. DBS卡交稅享「6個月免息分期」　（有效期：2013/12/1 - 2014/1/31） -交$2,000或以上稅款，即享「交易免息分期」計劃6個月攤還款項 -免費、免登記、免手續費 -例：  交稅金額：$18,000  每月手續費：$0  每月利息：$0  每月還款額（分6個月攤還）：$3,000（$18,000/6） *適用於特選客戶 2. AEON卡交稅享「稅務現金分期」+ 送禮券　（有效期：即日 - 2014/2/20） -用AEON網上繳費服務交稅滿$10,000或以上，送AEON購物券$50一張 -兼享6個月免息「稅務現金分期計劃」，套現金額最高可達8倍 / $80,000 （一次性手續費為：$51,000或以上1.5%，$50,000或以下2%） 兩個免息分期計劃，分別在於一個要求交1萬蚊以上先有得玩但送多張$50禮券；另一個交2千就得。 雖然攤長嚟供對於有資金周轉困難既人黎講係好方法， 不過Lady C.我唔想煩手續費等問題，始終都係比較鐘意可以袋落袋既實質着數多D。 「現兜兜」着數 1. 大新卡交稅享1%現金回贈　（有效期：即日 - 2013/12/31） -以大新卡透過網銀交稅，享高達1%現金回贈（每月上限$1萬） 1%現金回贈聽落好似唔多，但交稅都得都算係咁。 講明先，呢個優惠計劃有列明直接碌交稅係唔包既(第6點)。 我睇網友講有方法可以迂迴地賺1%，先知呢個優惠適用於交稅咋！ 網友話可以經網銀繳費服務交稅就可以享有1%現金回贈，可惜係有每月繳費上限$1萬， 如果要交超過呢個數，可能就要出多幾張大新卡嚟交。 另外，雖然呢個推廣12月31日就完，仲要登記，但根據網友講交表後3至4日就生效， 換句話講係就算宜家先開始玩，應該都趕得切！ (順帶一提，交水電費或者交其他銀行卡數都OK，詳情都係睇返討論區啦！) 2. 中銀卡交稅賺簽賬獎賞　（有效期：即日 - 2014/2/28） -憑中銀卡進行指定交易即可參加抽獎，隨時賺簽賬獎賞# 高達$100,000，保證最少可獲$50 -指定交易包括：  ‧本地零售簽賬$600或以上3次（以單一交易計算）或  ‧指定商戶免息消費分期計劃$4,000或以上（以單一交易計算）或  ‧「現金分期」或「月結單分期」計劃$10,000或以上（以單一交易計算）或  ‧繳交稅款$10,000或以上（以單一交易計算） #簽賬獎賞包括  ‧$100,000簽賬獎賞（名額1份） ‧$200簽賬獎賞（名額100份） ‧$100簽賬獎賞（名額300份） ‧$50   簽賬獎賞（名額不限） *每個卡帳戶最多可抽獎5次，最多可獲5份獎賞 *每名客戶（以身份證號碼為準）只可憑繳交稅款交易參加抽獎一次 *簽帳期: 2013/11/1 – 2014/2/28（繳交稅款之交易日期須為 2013/11/1 - 12/31） *抽獎期: 2013/11/1 – 2014/3/8 睇番簽賬獎賞名額，其實好大機會係交$10,000稅送$50簽賬獎賞， 不過都冇蝕底嘅，話唔定可以撞手神抽中$100,000簽賬獎賞呢！ 仲有一類禮券著數資料我整理緊資料，聽日再同大家分享！

作者:Lady C. 錄入日期:2013年11月21日 交稅都有得賺？（二） 上回講到攤長黎供同現兜兜著數，今次就要同大家分享交稅嘅禮券着數喇！ 禮券着數 1. DBS iBanking / mBanking交稅送禮券　（有效期：即日 - 2014/1/31） -於下列任何兩個階段繳付$100或以上賬單，享$50百佳禮券1張 （第1階段：2013/11/1 - 30；第2階段：2013/12/1 - 31；第3階段：20104/1/1 – 31） -賬單包括：政府稅款*、電費、水費等各類費用 *每日網上繳稅上限：$200,000，欲提升每日繳稅上限（Max：$500,000）可填表再交去DBS分行（詳情 ） 要有戶口係最大問題，宜家先黎開唔知趕唔趕得切， 因為要喺12月20日前申請電子結單/通知書服務先有繳費優惠！ 不過咁，只有分別在兩個不同階段各交夠$100(即總共$200，除稅外可以交水、電費都計)， 就有$50百佳禮券送返，算係打返個75折咁。 2. Citibank卡交稅送禮券 + 1,000,000里數抽獎機會　（有效期：即日 - 2014/1/31） Citibank呢個優惠送超市禮券、有機會抽中100萬亞洲萬里通里數再加免息還款期達58日，聽落好着數…… 但好可惜以Lady C.我嘅繳稅額係玩唔起既，因為最低都要交3萬稅先得！ 總之，有興趣既朋友要早D行動喇，事關依個優惠已喺11月1日開始左， 抽獎只限首15,000名成功登記既卡戶架咋！ 總結黎講，而如果你要交既稅額唔算大，不如都係唔係諗咁多， 考慮食大新1%現金回贈 / DBS iBanking或mBanking $50禮券 / 中銀卡既簽賬獎賞好過。 作者:Lady C. 錄入日期:2013年11月22日

相關連結：

• 交稅都有得賺？
  http://www.hongkongcard.com/columnist_article.php?id=408
• 交稅都有得賺？（二）
  http://www.hongkongcard.com/columnist_article.php?id=410